Robin Ann Didder cu tabata encarga cu maneho di Serlimar a pasa un mal rato despues di wordo suspendi na Serlimar den su funcion. A tilde di fix su mes cu un toelage. Mesun toelage cu ta acusa Robin Ann Didder di dje, esun di su colega Marelva Wever tambe a wordo regla. Mientrastanto Marelva Wever no a haya suspension pendiente investigacion y a keda traha normal.
El a keda traha normal pero den e caso aki Robin Ann Didder si mester a pasa e berguensa. El a pasa berguensa pasobra e minister Otmar Oduber ta usa su maquinaria cu obligatoriamente mester bay lastra y atacha nomber di hende limpi riba rednan social entre otro y media comprometi. Robin Ann Didder tabata parti di PDR y na 2017 tabatin interes pa subi lista. Mientrastanto Andin Bikker a merge PDR cu POR y asina a subi lista di POR. Robin Didder tabata e candidato di POR via Andin di PDR. Dialuna atardi laat despues di reunion por a sinti for di dje personalmente cu hamas e lo ta parti mas di partido POR. A base di e suspension e hunta di supervision di Serlimar a cuminsa cu un investigacion algun siman pasa. Dialuna atardi a invita Robin Ann Didder pa un reunion y su abogado Nancy Gravenstijn tambe a bay cune.
Eynan dos miembro di e RvT di Serlimar a sinta cu nan. Nan tabata tin un relato di prensa cla hinca den otro pa asina manda den media. Den e reunion e miembronan di RvT a informa Robin Ann Didder den presencia di su abogado, cu nan ta kita e suspension mesora. Tabata pendiente pa e relato di prensa cu kier a manda. Ora cu nan a mira e relato di prensa, Robin Ann Didder cu su abogado a pidi pa adapta e relato. Nan a keda di cambia y pone e puntonan cu a wordo pidi. Djey a keda di mande dialuna ainda.
Mientrastanto Robin Ann Didder a wordo notifica cu no tin nada pero nada robez contra dje. No tin ningun acto castigable contra dje. No Si a resulta cu tabatin algo castigabel contra Robin Ann Didder, nifica cu pa Marelva Wever e lo tabata mescos. Pero a keda straño dicon no a suspende Marelva pero Robin Ann si. Tur cos ta duna indicacion cu aki Marelva ta wordo protehi pa e Minister y pesey nada a pasa cune.
