Rutte ta celebra 10 aña na mando di Hulanda “atrapa” pa e pandemia

186

Prome minister Mark Rutte ta cumpli un decada na mando di Hulanda, sin descarta su candidatura pa e reeleccion na maart, apoya “links” y derecho, aunke “el a celebra” su aniversario desviando di acusacionnan di oposicion pa loke nan ta wak como un “fracaso” den su maneho di e pandemia.

E dirigente di Den Haag tabata un di e lidernan miho balora pa su compatriotanan na april. Door di a evita un estado di emergencia, no decreta e toque de queda,  ni a obliga e uzo di mondkapje y subrayando semper e “sentido comun caracteristico” di e Hulandesnan, el a gana te cu ocho asiento mas na antesala di e eleccionnan di maart di 2021, segun diferente encuesta.

“Mi votadornan ta bisando mi hopi ultimamente cu Rutte no ta bayendo nada malo,” Jesse Klaver, lider di e partido izquierdista GroenLinks, partido di oposicion y un di esun mas popular pa e proximo eleccion, a reconoce memey di september.

EFE/EPA/OLIVIER HOSLET

Rutte tabata por a uni hende y partido sin importa su ideologia, el a goberna cu links y rechts, populista, progresista y conservador.

E ta scucha tur hende, pa cual e sociedad ta catalog’e como un homber “sobrio, aparta di vanidad, confiabel y experto,” alabes cu e ta “un optimista cu solucionnan practico”, segun un estudio di e agencia I&O Research.

Un 60 porciento di e poblacion ta kere cu el a sa di dirigi e pais den su pio etapanan, cu momentonan clave manera e crisis financiero y e incidente na 2014 di e vuelo MH17 oost di Ucrania, cu 298 victima, den su mayoria Hulandes, pero tambe su maneho di e ultimo divisionnan den e seno di Union Europeo y di e prome ola di coronavirus.