Rutte: Ami ta responsabel. Rey ta intocabel

2015-11-14 13:32:36 DEN HAAG - Premier Mark Rutte geeft een reactie op de aanslagen in Parijs. ANP BART MAAT

Premier Mark Rutte a bisa cu e tabata na altura cu Rey Willem Alexander y su famia ta planea pa bay cu vakantie na Grecia. “Mi a haci un mal calculacion,” el a bisa den un carta pa Tweede Kamer.

“Demasiado laat mi a realisa esaki, sigur despues di e conferencia di prensa diamars anochi, 12 di October, cu e vakantie planea, cu ta cuadra cu e reglanan, pero no ta valido awo cu e casonan di contagio ta aumentando y e medidanan extra tuma,” el a bisa.

Responsabilidad Ministerial

“Esaki mester a dunami motibo pa reevalua e vakantie planea. Pa tur esaki mi ta tuma completamente responsabilidad pa esaki.”

No ta tur hende a hay’e un bon idea cu e Rey ta bay di vakantie. Vice Prome Minister Hugo de Jonge a bisa den un conferencia di prensa diahuebs cu e no tabata na altura di e vakantie. Segun Rutte, esey ta berdad. “Mi no a informe adelanta, segun e procedura normal di trabou den e temanan aki.”

Miembro di Tweede Kamer Joost Sneller di D66 ta haya cu ta na su luga cu e prome minister ta carga responsabilidad pa loke cu a pasa. Pero “ta keda dificil pa compronde y ta lanta pregunta mirando su envolvimento di cerca den e pandemia aki y su experiencia, ta haci un eror asina aki.”

Rey ta bek na Hulanda

Diabierna ultimo e rey y su famia a bolbe di vakantie pa Grecia. E biahe aki a percura pa hopi consternacion y no a cay den bon tera den Tweede Kamer.

Via di e servicio di informacion Rijksvoorlichtingsdienst (RVD), e rey a laga sa cu e lo kibra su vakantie despues di lesa y scucha e reaccionnan.