Ruthy ”Lady Ruth” Vrieswijk-Bergen cu su di dos One woman show

Pa complace e publico cu a goza cu ne asina hopi aña pasa, Ruthy “Lady Ruth” Vrieswijk-Bergen ta bin cu su di dos One woman show “Alegria di Ruthy #2″ riba diaranzon dia 26 di September 2018.

Cas di Cultura lo ta yena atrobe cu un bunita programa cu dushi musica, canto y baile. Lady Ruth lo canta atrobe den 4 idioma,e lo recita poema den 4 idioma, e lo baila y e lo tin e mesun team dinamico di artistanan profesional cu curason pa completa e bunita show aki. Tres di nos musiconan cu a conkista e curasonnan anja pasa, lo tey atrobe cu nan talentonan den cada presentacion. Nos lo tin e cantante estelar cu su vos inigualabel Mario Alberto Kelly, e guitarista cu tambe ta unico y profeshonal Jerry Diaz y nos lo tin the piano man, nos ta yame nos Padu chikito cu por toca tur sorto di pieza Albert Croes. Como guest stars nos lo tin atrobe e pareha di tango Alex y Irina Berkley y e biaha aki como bailador solista tambe, maestra di baile pa 50 aña den top condition Diana Antonette, un amiga di Lady Ruth, pa demonstra cu edad no ta strobabo den nada ora e curason y spirito ta hoben y bo curpa y mente sano den bon condicion ketobay !


Lady Ruth ta haya asina bunita, Diana, bailando y dunando les pa asina hopi aña, cu e ta desea di pone un crenchi mas luz ariba Diana, ora Diana lo baila un pieza popular, un grabacion bunita di nos bon amigo y gran artista Tino Ruiz, kende no por ta presente live e biaha aki, pero nos tin permiso pa usa un di su grabacionnan pa cu e baile aki di Lady Diana. Nos lo tin tambe un bailador sorpresa, un di nos dushi hendenan cu tambe ta gusta baila den persona di e homber di cultura Stan Dabian. Mientras backstage nos lo tin atrobe e simpatico y energetico Luty Martinez y Magda Nicolaas. Pa nos Power point nos tin e gentil cabayero Bryan Balijn y pa e style di cabei nos bunita amiga Loly di Beauty salon Loly. Dilanti den foyer amiganan lider scout di Ruthy alias Bubbels lo tey Mirian Koolman, Indra Balijn y Milly van Delden. Nos speaker invita pa nos entrevista di 5 minuut on stage, e biaha aki lo ta sra. Sharlyn Tromp Farro di Scouting Aruba. Mirando cu e tema ta scouting, nos lo tin Chief Mikel Tromp di grupo San Dominico cu lo design material scout pa e decoracion, mientras e decoracion di e stage mes lo ta den e mannan y mente magico cu bunita curason y luz di nos amigo colega artista John Fredy Montoya di Departamento di Cultura. Cu un danki special na amigo ruman Stan Dabian pa e parti di PR – Nos poster diseña realiza pa e artista cabayero Alex Bowen di Optica Moderna y asina nos por sigui menciona tur cu ta cumprando ticket y aporta na Scouting Aruba, pasobra, e biaha aki e fondo recauda na benta di tickets lo ta destina pa tres grupo favorito di Ruthy di Scouting Aruba, den dos di e gruponan e tabata un lider pa hopi aña.

Cu un danki grandi diki gordo na UNOCA cu ta percura atrobe pa nos por tin e sala bunita di nos Cas di Cultura cu su excelente servicio di parti di nan team tecnico Omar Brown y un danki di curason cu un smile pa Aruba Bank, cu tambe tey atrobe cu nos y La Moderna y PWC, Willy’s Pool, Go Cultura, Aruba Climate Control ACC y Fantastic Gardens y Web Nv . Despues nos lo menciona tur otro cu tambe a yuda cu patrocinio of e companianan cu compra di ticket pa parti of rifa entre nan empleadonan. Danki na miembronan di Prensa, nos medionan di comunicacion pa informa nos pueblo di nos show. Sin boso, hende no sa kico ta kico na Aruba. Ah si, tin carchi obtenibel na Boekhandel Van Dorp tambe, den curason di Dakota tur dia! E ta costa unicamente afls 15,- y bo ta yuda Scouting Aruba !Nos tin un cita cu Lady Ruth diaranzon dia 26 di September awor!