Durante e ultimo dianan por a tuma nota di rumornan fuerte cu e banda mas exitoso di reggae UB40 lo por ta na Aruba proximamente. E banda britanico actualmente ta riba un tour historico celebrando nan 40 aniversario. Nos por corda cu e banda a kibra tur record na Aruba cu mas di 10 mil hende di atendencia na aña 94.
Despues di esaki debi na nan schedule nan no a logra di yega Aruba. Awor cu e banda ta bek den su formato original cu e cantantenan Ali y Astro e deseo di hopi fanatico na Aruba y den region ta pa mira e banda na Aruba.
Investigando nos por a tuma nota cu un posibilidad lo por ta den comienso di November pa e di dos edicion di Island Take Over festival. E otro opcion por ta den December pa un promotor cu tin un fecha pa un evento stipula caba. Lo mester mira den transcurso di dianan si e deseo di hopi fanatico lo por bira un realidad pa asina canta exitonan manera ‘Red Red Wine’, ‘Here I am Come and Take Me’, ‘Kingston Town’ y otronan.AZ
