Rumannan Klabér ta haya conseho di Nutricion

Den fin di siman e rumannan Klabér a bishita Alex Croes di Gianni’s Nutrition Center. Nan a haña conseho y aviso di cua producto ta bon pa cada un di nan usa.

Záhyon Klabér tin varios aña caba ta haci uso di e productonan di Gianni’s Nutrition Center y ta hopi gradici cu e conseho y productonan cu e ta usa y a bisa su dos rumannan pa nan tambe cuminsa. Záhyon Klabér a mira un diferencia grandi den su training y peleanan cu ta e resultado di come bon y balansa, pasobra Rene Wild semper a bise kiko pa come y bebe.

Training ta wordo bon duna y haci cu e bon guia di Brazil Taekwondo Center su trainers Korps y Henk Meijer.Tur esakinan ta haci cu un atleta por produci bon den su deporte. Nos sa cu mas atleta di Aruba sa haci uso di e productonan, pero nos no sa si nan tur sa haña e conseho ideal cu Alex Croes sa duna.

Pa nos di Brazil Taekwondo Stichting Alex Croes sa kiko ta bon pa nos atletanan y pa nan deporte cu nan ta practica. Pesey Brazil Taekwondo Stichting ta gradici Alex Croes pa su bon guia cu e ta duna e team di “Train Hard Fight Smart”.

Comments

comments