Habitantenan bisiña a actua rapidamente pa scapa hoben autista for di cas cu a cuminsa cende na candela. Sucedido a tuma luga diabierna atardi den careda di 3:00PM caminda algun hende a actua rapido na momento cu a tuma nota cu corchon den un di e cambernan tabata na candela.
Informacion na sitio tabata cu na e adres ( Pos Chikito 245K ) ta biba un señora di edad ( 8o+ ) cu dos yiu te caminda cu nan sa. un di e yiunan ta autista y e otro desafortunadamente ta meti den droga. E adicto aki a drenta cas y cende pipa cu a pega e corchon na candela. E señora di edad no tabata encontra su mes na cas na e momento ey.
E otro ruman, cu ta un hoben autista tabata den e otro camber y rescata door di e bisiña cu a bati alarma na tempo. Aunke tin cu menciona cu e hoben autista a bira malo y ambulance a bin pa brinda asistencia. Cu slang na man habitantenan a combati e candela riba nan mes y paga esaki y pa ora polis y bombero a yega tur cos tabata bou control. Asina mes bomberonan a drenta pa sigura cu tur cos tabata bon.
A adicto cu a ocaciona e candela a sali na careda y un buskeda a tuma luga pa su paradero. Tin indicacion cu lo tabata tin mas persona lo a bira malo di e huma cu nan a inhala.
