Rudy Lampe, candidato number 2 riba lista di RED Democrativo, ta sumamente positivo awe mainta. Hopi hende a sali bay vota y esey ta un señal ta positivo, pasobra esey kiermen pasobra e pueblo no solamente a haci uzo di su derecho di voto, pero na tur pais, ora bo mira hopi hende ta bay vota, ta pasobra ta votonan di protesta. Por sinti den pueblo cu e hendenan ta fada di e Gobernacion actual. Envolvi den asina hopi escandalo di corupcion y por fin a realisa cu nos no por sigui cu 16 aña cu un solo partido na mando. pasobra bo ta haya abuso di poder, bo ta haya un stempel parlement, bo no ta haya ningun control riba e gobernacion y sin control bo ta haya e corupcion cu nos ta mira. Pesey awe ta bay ta un voto di protesta contra e Gobierno. Ta bay ta un voto pa un Gobierno di coalicion y awe nochi RED democractico lo bay ta sorpresa pasobra bo ta sinti riba caya e apoyo y simpatica cu tin.
Aruba tabata tin un conferencia siman pasa unda cu expertonan a haci un analisis y Aruba ta fit net den e modelo di America Latina. Tin un informe di Nacionnan Uni cu ta bisa cu 10% di e paisnan nan GDP ta bay perdi den Corupcion. Aruba a presenta cu 450 miyon florin pa aña ta bay perdi den corupcion. Pesey nos tin un GDP di 4 pa 5 biyon. Kiermen ta e 10% cu na America Latina tambe ta bay perdi den corupcion. Esey ta sumamente alarmante pasobra ta trata di un suma hopi grandi, cu por a inverti den enseñansa, cuido di grandinan, cuido di adictonan ambulante, den combati criminalidad, y esey ta bay den saco di Friends & Family di e gobernantenan cu a bira multimiyonario, cu a enrikece nan mes y e pueblo mes a bira mas pober. Pesey e pueblo mes ta fada di esaki.
