Rubin Ponson (Melodia): Aunke no tin presentacion, nan tin un produccion cu 11 cancion

Aña 2020 lo keda marca como e aña cu hopi cos a cambia obligatoriamente a causa di e crisis di coronavirus cu a afecta Aruba enormemente. Aunke aña no a finalisa ainda, por bisa cu e ultimo luna di aña sigur ta bay ta diferente tambe.

Den combersacion cu Rubin Ponson lider y director musical di e grupo Melodia el a papia di con nan ta preparando nan mes pa e temporada cu ta caracterisa pa musica di gaita cu ta duna nan presentacionnan of participa den festival.

El a recorda cu for di maart caba mester a adapta e situacion ora cu e virus a yega Aruba. Esak a sosode net den e luna cu Aruba tabata preparando pa celebracion Dia Nacional. Nan tabatin un produccion pa esey y el a subi mercado, pero e presentacionnan no a logra.

Rubin Ponson (Melodia): Aunke no tin presentacion, nan tin un produccion cu 11 cancion

Rubin Ponson (Melodia): Aunke no tin presentacion, nan tin un produccion cu 11 cancionClick link pa mas: https://24ora.news/3hYXWo2

Posted by 24ora on Wednesday, September 23, 2020

Mirando e situacion cu Aruba tabata den un shutdown, a cuminsa prepara un produccion pa fin di aña. Esey a sosode y den e normal nobo a dicidi cu e grabacionnan di biaha, cu nan a logra finalisa den luna di augustus. E ta un produccion cu 11 tema bailabel pa fin di aña. “Nos custumbernan di presenta na fin di aña lo no sosode mas,” Ponson a splica.

Mirando cu a para carnaval, y e celebracion di fin di aña ta prome, no por evita cu cu e no ta mescos cu otro añanan. Si nan ta bay tin presentacion y festivalnan, ya caba awo nan mester ta den nan sesionnan di training. Awo mester mira kico ta bay pasa na Aruba den e dos ultimo lunanan pa mira si nan por duna un of dos presentacion.

“Tur hende lo sinti falta di esaki sigur, no solamente e musico pero e pueblo tambe. E ta un ambiente unico cu ta e temporada pa scucha gaita. Nos tur tin gana di toca pero no por haci’e. Pa Melodia, e pregunta t’ey constante pa topa y toca, pero te ainda no por. Nos t’ey si, sigur cu un produccion,” Ponson a expresa.