Awe nochi durante e programa di Pasco, E Strea di Fin di Aña, a presenta e conocido Ruben Garcia como un co presentado hunto cu Sandra Croes. Na mes momento Canal 22 a entreg’e un homenahe special, e premio “Strea” pa su trayecto den medio di comunicacion, locutor, animado, presentado y maestro di ceremonia.
Edmond Croes, propietario di Canal 22 a sigura cu constantemente nan ta sigui innova y desaroya ideanan nobo pa presenta miho programacion posibel, contando cu un elenco di animadonan profesional y cu carisma pa atrae mas televidente posibel. Ruben “Scorpio” Garcia lo presenta un gran parti di e programanan di Pasco cu nan, enfocando riba nos artistanan local, promoviendo tradicion culinario di fin di aña y plamando ambiente navideño den tur cas.
E Strea di Fin di Aña ta pasa tur diamars y diahuebs pa 8:30pm via Canal 22 riba Cable TV y riba Facebook di Canal 22.
