E entradanan hudicial di RST y Landsrecherche a sigui despues di inval na campañado di Otmar Oduber, esta Aisha Esser y despues a sigui pa sede di Gobierno, Cocolishi, cas di Gobernacion di Gabinete Wever-Croes. E Gabinete ta bou pleno investigacion relaciona cu caso Flamingo. Fiscal hunto cu funcionarionan di e departamentonan hudicial ya menciona a yega mainta tempran na Bestuurskantoor, buscando evidencia den caso di corupcion di Otmar Oduber.
Informacion cu nos tin ta bisa cu e team a bay directamente na oficinanan di Ministerio di Infrastructura, cu te ainda Minister Marisol Lopez Tromp ta uza. E ta e sitio unda Otmar Oduber a sinta e dos añanan cu e tabata Minister encarga cu Infrastructura.
Na salida por a nota cu nan a bay cu computer, cu lo forma parti di e investigacion.