Royal Power Tat Fat Home Depot ta derota Tanki Leendert Giants  9-7 seyando su promer victoria

?????????????????????????????????????

Copa Noord 2019 a inicia. Den e promer wega oficial di Copa Noord 2019 e Campeon di Copa Noord 2018 esta Royal Power Tat Fat Home Depot a enfrenta e fuerte equipo di Tanki Leendert Giants.

Den un partido unda ambos equipo a brinda fanaticada un bon nivel di softball Royal Power a derota Tanki Leendert Giants 9-7. Royal Power ta pica bay ariba den bom di promer inning momnto c Gregory Krosendijk ta jega base riba un basehit y ta score riba doblete di Kelvin Silvania.

Sinembargo den di dos inning Tank Leendert Giants ta rally a palo limpio contra e habridor Jimmy Tromp anotando un total di 6 careda y ta piki un mas den di 3 inning a amplia e score 7-1. Royal Power ta trese Kelvin “Chapman”Silvania di relevo y ta aga e candela di Tanki Leendert Giants por completo lansando 3 inning en blanco y asina tene e wega serca pa su equipo Royal Power por reaciona.

Royal Power conosi pa un equipo cu no ta entrega a keda kalmo y ta score 1 careda den bom di 3 inning pa hasi e wega 7-2.  Den bom di cuater inning Royal Power ta rally pa 5 careda y asina ta empata e wega 7-7. Kelvin “Chapman” Silvania ta keda dominante riba monticulo cu su knuckle ball serando un otro inning en blanco.

Royal Power ta saca e veteran legendario Estefano Croes como pinch hitter den bon di 5 y Estefano ta duna cara conectando un cayonaso di hit pa right. Mesora ta pone pinch runner unda Pierre Richardson Junior ta conecta doblete sigui cu hit di Edmar Macho Tromp y hit di Jomark Flanegin remolkeando dos careda mas pa bay ariba 9-7.

Finalmente Royal Power ta seya su promer Victoria di Copa Noord 2019. Royal Power coo equipo a bati di 28-11 pa un averahe di 394. Tanki Leendert Giants a bay como conhunto di 27-9 pa un averahe di 333. Royal Power 9 careda, 11 hit, 1 error. Tanki Leendert Giants 7 careda, 9 hit, 2 error. Franklin Danies kende a drenta releva Tico Danies a bay cas cu e derota mientras Kelvin Silvania kende a drenta releva Jimmy Tromp den di 2 entrada a bay cas cu e victoria.

Mihor bateadornan pa Royal Power ta Gegory “Pilin” Krosendijk , Pierre Richardson Junior y  Kelvin Silvania tur a bay di 3-2, Estefano “Fano” Croes di 1-1, Nehomar Rasmijn di 2-1. Pa Tanki Leendert Giants a destaca na plato den causa perdi Aigil Brete 3-2, Jourick Blanco y Revelino Silie di 2-1. Diasabra awor pa 7 pm Royal Power ta enfrentando Super Plus y diadomingo pa 1pm Kudawecha Indians den nan cas na veld di Kudawecha.