Campeonato HEINEKEN fast pitch di Aruba Softball Bond dedica na dos baluarte Jacobo Jansen y Gilbert “ Nando” Maduro a continua riba canchanan na Pos Chiquito. Den categoria AA Royal Power Tat Fat Home Depot a topa Macuarima Spark Elektra den nan di 4 buelta promer cu drenta play off.
Royal Power Tat Fat Home Depot a mustra superioridad riba Macuarima y ta derota Macuarima cu trankilidad. Un Jomark Flanegin bastante dominante riba monticulo a permiti solamente 3 hit guiando su equipo pa e victoria.
Royal Power a score 3 careda den cabez di dos inning y a amplia 2 mas den di tercer entrada otro 3 den 4 y 5 inning acumulando asina 11 careda. Macuarima no por a bin kla cu e lansamentonan di Jomark y no a logra rally pa bin bek den wega.
Boxscore final Royal Power 11 careda, 10 hit, 1 error y ta laga 4 coredor na base. Macuarima Spark Elektra 0 careda, 3 hit, 0 error y ta laga 4 coredor den circulacion. Edmar “Macho” Tromp, Gregory “Pilin” Krosendijk, Jomark Flanegin tur a bay di 3-1, Eldrick Dijkhoff di 4-2 cu un triple mas 2 careda anota y 2 rbi, Mitchel Martes 2-1 cu un doblete y 2 rbi, Jair Thompson 2-2 cu un doblete mas 2 rbi y Guyon “Toy” Cannister ta bek for di su vakantie nba Hulanda y ta bay 1-1 den su promer wega di regreso. Pa Macuarima Spark Elektra Darl Quandus 2-1, Randolph Pinedo 2-1 cu un doblete, Ray Bernabela di 2-1. Jomark Flanegin ta registra un victoria mas riba su nomber enfrentando 19 bateador, 21 bola, 53 strike pa un total di 74 lansamento blankeando Macuarima permitiendo 3 hit propinando 4 ponche y ta regala 2 base por bola.
Juan Chirino ta bay cas cu e derota lansando 73 pitch permitiendo 8 careda tras di 9 hit ta poncho dos y ta regala 3 base por bola. Revelino Silie ta releva un inning y ta permiti 3 careda , 1 hit uy 3 base por bola. Dialuna lo tin ultimo wega valido pa campeonato AA entre Macuarima vs Celebrities y diamars Play off ta inicia. Fanaticada e playoff aki ta bay bira agradabel waak pa Bo tey!!
