Campeonato HEINEKEN fast pitch dedica na baluartenan Chin Thiel ( q.e.p.d) y e trabuco Wilbert “Wiwi” Maduro ta yegando su final.
Despues cu Royal Power a gana Balashi den e prome buelta di Playoff y Macuarima Spark Elektra a elimina Spuiters Mipa tambe den e prome buelta a toca turno pa Balashi midi forsa contra Macuarima den un best out of 3. Balashi Premium sinembargo a elimina Macuarima den 2 wega y asina pasa pa e gran final. E gran final lo inicia dialuna awo si tempo permiti riba veldnan na Pos Chikito.
Royal Power Tat Fat Home Depot lo hunga un serie di best out of 5 contra Balashi Premium pa asina determina kende lo bay cu e titulo di Campeon AA den Liga Kibrahacha di Aruba. Dialuna lo bay tin e prome dos weganan esta un double header. Diaranson ta programa un wega single y diahuebs un double header si tin mester. Campeonato di Aruba Softball Bond tabata un sumamente exitoso den 2018 cual a cana hopi elegante sin ningun problema y lo anticipa cu e Playoff lo bay ta uno hopi competitivo pero sigur cu e mesun respect y disciplina di henter temporada. Fanaticada boso yega tereno bin apoya boso ekipo preferi,. Softball a la carga!!
