Royal Dreams Foundation a clausura nan camping c’un presentacion

Diasabra Royal Dreams Foundation a tene un presentacion di nan Royal Dreams Camp na Scol di Arte na San Nicolas.

Taiissa Alleyne di Royal Dreams Foundation a cuminsa na bisa cu e participantenan di e Royal Dreams Camp a presenta tur loke nan a siña durante e cinco dianan di camping, riba tereno di arte, baile, canto y drama. Dus, tur loke tin di haber cu arte. Tur esaki riba ritmo di Soca y Calypso.

E muchanan a mustra con nan ta modela, kico tur nan a siña riba tereno di arte. Un total di 50 hoben a participa, unda cu a nan a siña tocante steelband, drama, pintamento, actuacion, con pa ta dj. Un biaha mas riba tereno di arte, pa siña e muchanan cu tur cos bo por logra si bo pone bo meta.

Por ulimo, Taiisa Alleyne su mensahe na e hubentud di Aruba ta pa nunca entrega, si bo tin un soño, cu pasenshi y determinacion, tur cos lo ta posibel.

El a gradici tur e mayornan cu a laga nan yiunan participa y ta spera di conta cu nan apoyo un biaha mas otro aña.