Royal Carnival Group cu sosten di Benu Pharmacies ta cla pa Carnaval 65

Dialuna, Royal Carnival Group, hunto cu Benu Pharmacies, a firma un contract, unda cu e cadena di botica a firma un acuerdo, unda cu Benu Pharmacies lo brinda nan sosten durante Carnaval 65.

Segun Gerente general, Han Deelstra, nan ta masha contento di a drenta den un acuerdo hunto cu Royal Carnival Group y Kevin James y NBO.

Royal Carnival Group pa hopi aña a participa y a causa furor riba caminda. E aña aki Benu ta un di e sponsornan principal y a presenta e disfrasnan pa e proximo paradanan cu lo bin.
A firma tambe e contract pa cera e acuerdo simbolicamente.


Kevin James di NBO y Royal Carnival Group, a splica cu e momento aki tabata uno special pa e grupo, cu a firma un convenio hunto cu Benu Pharmacies. Esaki sigur ta contribui na Aruba su Carnaval y haci’e grandi pa number 65.
E joint venture aki ta un hopi bon segun James. Benu ta e sponsor principal e aña aki, cual James a enfatisa, cu lo ta un bon aña.


Royal y NBO ta pone algo hopi bon riba caya, segun James. Pa e motibo aki mes, Benu a scoge nan pa nan forma parti di e famia. James ta hopi gradicido pasobra e no ta facil.
E no ta algo cu bo por djis subi caya si bo no tin e backing di un persona of empresa.
Como un botica, e ta algo cu hopi hende no a spera. Nan tin’e den nan sanger y nan kier contribui tambe. Ta pa e motibo aki mes, a forma e joint venture aki.
Benu kier drenta den Carnaval, segun Deelstra. Un botica no solamente tey ora bo ta malo. Nan kier tey tambe ora cu bo ta salud, y pa bo keda salud.

BENU y Royal Carnival Group ta cla pa Carnaval 65

BENU y Royal Carnival Group ta cla pa Carnaval 65

Posted by 24ora on Monday, November 12, 2018

Harimento y bailamento ta hopi salud tambe. Den e parti aki tambe ta pasa den Carnaval. Benu lo bay duna hende chens pa participa den e carnaval.
Deelstra a splica cu nan tin pa nan empleadonan, tin un areglo y tin un paar di luga cu a haya cerca James den e parada cu lo bay rifa pa e clientenan, cu nan por participa den e parada den dia y den e lighting parade tambe.
Clientenan por participa den nan rifa, caminda cu nan por participa den nan grupo.

Disfraznan

Tema cu Royal lo bay cun’e pa cuminsa den Fakkel, ta Socaccella. E ta bay ta algo simplemente diferente e aña aki. Bo por bin con cu bo kier, cu peluca, lip pinta cu glitter, etc. Esey ta e tema. E musica lo by ta up and top, cu real soca music.
Pa loke ta Lighting Parade, lo bay presenta e tema di Royal Cabaret. E ta bay ta hopi sexy. E lo ta berde cu preto. Den parada den dia, lo bay tin e tema di Dreams and Illusions. James tin su seccion, cu lo bay yama My Dreams, my Reality.
Tin varios seccion den e grupo. Aki pueblo por mira cu Royal Carnival Group lo ta on hunto cu Benu y lo ta algo hopi great.

Royal Carnival Group, hunto cu Benu, awo cu e convenio firma, ta cla pa ranca sali den Carnaval number 65.