Awe nochi SMAC a rindi homenahe na e conocido Dakotero, Bartolomeo “Roy” Sneek, kende a fungi pa hopi aña como Presidente di hurado pa diferente festival manera Tumba, Calypso & Roadmarch, Himno y Bandera, Dande y mucho mas. E ta conoci tambe como docente di scol na La Salle College dunando les di Hulandes y musica. Den su tempo liber ta duna les di musica.
Su palabra na final tabata “Nan ta yama mi bieu pero mi no ta sintimi bieu. Mi ta straight pa e cosnan corecto”, asina Roy Sneek a vocifera den Aruba Carnival Entertainment Village. For di su 18 aña caba e tabata fungi como hurado den festivalnan y te ainda e ta sinti su mes bon pa sigui huzga bon ritmo, letranan y presentacion di cancionnan.
