Danilo Wever, miho conoci como Roy Gordo di Rancho. Wever un tempo tabata casa, tin su propio cas y tabata ocupa e funcion di supervisor. Awe tur esey a keda atras.
Esnan cu ta transita den Playa lo mira Roy Gordo de bes en cuando ta transita den e area aki, riba su bicicleta cu un garoshi pega patras. Den e garoshi e tin su pañanan, su boter di awa y algo di come. Unda cu nochi cer’e, eynan e ta cay drumi.
Despues el a perde su cas, e mester a busca un manera pa biba. Cu e placa di onderstand, e no por haya ni un cas di FCCA pa huur. Despues di basta tempo el a dicidi di busca un forma di biba pero pa e move cu su poco pertenencianan. Asina el a haya un garoshi. “Awo mi ta biba riba caya. Unda mi pega soño eynan mi ta keda. Mi ta wak unda cu mi ta drumi, ta sigur. Mi tin 25 aña riba caya pero mi ta cuida mi curpa. Bida caya no ta facil,” el a conta.
El a conta cu su bicicleta ta su cas y e garashi ta manera di un camber. Sigur e ta desea un cas, manera antes. E tabatin un cas y su casa a kita e cas for di dje via Hues, asina el a haya su mes riba caya. Un salario di 3 mil heldo mes no ta yuda awendia, corda e 450 florin cu Gobierno ta duna. Niun caminda ta haya un cas pa 100 florin y tur di FCCA di un camber ta yen. Pues no ta keda nada otro cu sigui riba caya.
