Recientemente Rough Riders a manda un delegacion di ocho coredo pa asina participa n’e competencia di Lonestar Nationals na Houston, Texas, den e deporte di BMX.
Segun coach di e ekipo Gregory Wouters, e tabata un careda basta grandi caminda cu nan a haci un bon trabao.
Tres di e coredonan a move di novice bay intermediate, un paso hopi grandi, mirando cu apenas algun di nan tin apenas 6 luna coriendo bicicleta. Por lo general tur cos a bay hopi bon.
Un di e ciclistanan ta bay final di e competencia di Grands, door cu e tin ranking, cual ta Kailen Wouters. Aworaki e ta na posicion 7 ‘nationwide’ na Merca y e ta bon para. Ta entre e miho 10 nan y lo bay Grands na Oklahoma fin di november.
Actualmente Rough Riders ta bay scoge tres careda pa participa, p’e mayornan cu kier hiba nan yiu. Esunnan cu a bay ultimo a haya punto y si nan ta desea nan por sigui. Mas careda nan participa, mas punto nan lo haya. Pa otro aña nan lo bay all out p’e caredanan aki.
Tur mucha ta bonbini pa join Rough Riders di 5 pa 10 aña. Si mayornan ta sinti cu por trece nan, nan ta mas cu bonbini. Nan ta train tur diamars y diahuebs di 5:00 pm pa 7:00 pm den Parke Curason na Jaburibari.
Pa cobertura mas amplio lesa edicion di TREMPAN mañan.
