Djamars dia 21 di mei 2019 Rotary Club Willemstad ta selebrá promé lustro di Rotary Walking Dinner. Pa di 5 bia konsekutivo RCW ta organisá e ruta kulinario yen di sorpresa den Pietermaai. Walking Dinner
Esun ku ta pensa ku ta un asuntu di kana kome riba kaya ta robes. E ruta, ku ta un sorpresa, ta hiba bo e restorantnan mas bunita i dushi den ‘Pietermaai District’. For di 6or ta sirbi promé parti di e menu riba Octagonplein di Avila Beach Hotel. Akinan gosando di un ko’i bebe i un amuse bo ta risibí e ruta.
E promé restorant riba bo ruta ta sirbi e promé plato, e di 2 ta sirbi e plato prinsipal i e último restorant ta sòru pa un ‘toetje” spektakular. Naturalmente ta tene kuenta ku deseonan di dieta i alergia. Ta sera e anochi banda di 10or ku shampaña i un delisia franses na City Beach 88.
Uniko
Entretantu Rotary Walking Dinner ta un konsepto popular na Kòrsou. E evento ta duna e partisipantenan oportunidat pa konosé restorant nobo òf porfin kome na un restorant ku tin hopi tempu kaba pará riba e lista. E aspekto soprendente no ta solamente e menú, pero tambe den e grupo ku ta forma: banda di ken bo ta sinta durante e próksimo plato. Kon ku e grupo resultá, loke nan tin komun ta e plato. Por inskribí ku un máksimo di 6 persona. Huntu òf bo so tambe por. Den e restorantnan tin mesanan largu, ke men niun hende no ta sinta nan so.
Restorant
Nos a haña bastante restorant ku komo spònser ta ofresé e diferente platonan. BijBlauw, Blessing, Blues Bar @ Avila, Chez Ray, Cristal, Deja Vu, Fishalicious, Ginger, Kome, Mundo Bizarro, Scuba Lodge, Serafina, St Tropez i Winebar Joy ta habri nan portanan pa Walking Dinner. Banda di esaki, e aña akí bo por spera un sorpresa den forma di un pop-up den e edifisio di NAAM.
Yu di Kòrsou
Rotary tin komo mishon stimulá hóbennan di Kòrsou den nan desaroyo duradero. Lesamentu ta parti di esaki. Lesamentu ta oumentá e vokabulario, stimulá fantasia, siña bo pensa visualmente i tin un efekto positivo riba skibimentu sin fout. Pero prinsipalmente, lesamentu ta leuk ! Meta internashonal di Rotary ta pidi atenshon pa redusí analfabetismo. Ya pa un tempu kaba na Kòrsou ta akumulá buki pa lesa i forma bibliotekanan na skol. Esaki ta un di e proyektonan ku RCW ta sostené. E fondo rekoudá ku Walking Dinner ta destiná pa e proyekto akí.
Karchi
Karchinan ta kosta NAf 150 pa persona (ta inkluí areglo di bibida). Por kumpra karchi via http://bit.ly/Yes-Iwant-walkingdinner-tickets òf na Bruna Curaçao, Bottles Curaçao, Van den Tweel (tur 2 filial), Mensings Caminada, 24 uur uit de muur òf serka miembronan di Rotary.
