Rotaract Club of Aruba a presenta un otro exitoso edicion di YOU Inc. Seminar

RBC Mortgage Prequal Campaign 2019
Hyundai Creta
Arubadag Adzone 1
RBC Mortgage Switch Campaign 2019
Ana Gabriel cu Fun Miles

Diasabra ultimo, 2 di juni, Rotaract Club of Aruba a tene nan di 4 edicion di YOU Inc.2018 Seminar- Excel professionally and beyond na Alhambra Ballroom Aruba.

MotorWorld JAc
Banner Rav 4
Ta Huur Apartamento
Arubadag Adzone 4
Bende Bo Cas
Red Fish Lunch Special Feb 2019
Full Moon Viewing at California Lighthouse – Square
Colonel’s Catch Special

Un mainta cu a wordo guia door di Rotaractors Kapil Sawilani y Sunny Dodia cu orador local, Ronella Tijn Asjoe – Croes, CEO di Aruba Tourism Auhtoriy y orador international, James Michael Lafferty, CEO di FINE Hygienic Holding na Dubai.

Pa medio di ‘YOU Inc. Seminar’ Rotaract Club of Aruba kier duna bek na e comunidad di Aruba den e area di desaroyo personal y profesional door di trece un plataforma cu temanan educacional na un prijs rasonabel. E tema di e seminario e aña aki tabata “Live Your Best Life” paso cada un di nos merece di biba nos mihor bida, y manera presenta diasabra ultimo, cada un di nos por biba e bida cu nos ta desea door di simplemente aplica e strategianan presenta na YOU Inc.

E mainta a cuminsa cu palabra di Ben Maduro, President di Rotaract Club of Aruba pa aña 2017- 2018, cu a yama tur presente un caluroso bonbini y alabes a duna un discurso corto di  e meta y projectonan di Rotaract Club of Aruba. Kapil y Sunny a sigui e mainta unda nan a “challenge” tur presente pa pensa kiko ta nan reto nan di mas grandi den bida y kiko nan ta spera di YOU Inc. 2018. Pa mayoria di esnan presente nan reto nan di mas grandi ta maneha nan tempo, sinja mas di liderazgo y haya sa mas di personal branding, exactamente loke YOU Inc 2018 a brinda tur presente.

Ronella Tijn Asjoe-Croes, CEO di Aruba Tourism Authority, den su discurso a splica cu pa ser un lider, e herment di mas importante ta caracter. Ronella, a splica cu bo background, estudio y experiencia ta  duna bo e opportunidad pa crece den bo carea y jega na posicion di liderazgo, pero bo caracter ta pone bo keda. Pesey Ronella, a pidi tur presente pa identifica con cada un di nos, den nos mes manera por juda crea caracter den nos hoben (nan), pues ta nan ta nos futuro y Aruba, nos isla, ta conta riba nan.

Ronella  a wordo sigui pa James Michael Lafferty, un experto riba e tereno di “personal branding” y “work-life balance”, cu a inspira tur presente cu su presentacion nan: “The Art of Branding” y “Work life Effectiveness”. Aki e la guia e audiencia por medio di 8 “branding strategies” y 12 “Work life Balance principles” con nan por cuminsa presenta nan mes den un manera unico y tambe maneha nan tempo y bida den un manera efectivo. James Michael Lafferty, a brinda tur presente tips practico cu por juda un y tur biba nan mihor bida.

Pa termina e diasabra inspirativo aki, Ryon Dijkhoff, Vice-Presidente di Rotaract Club of Aruba y project-leader pa YOU Inc. 2018 a gradici tur e participantenan di e seminario, e la enfoka riba e importancia di nan tempo pa desaroya nan mes. Alaves e la gradici su comision organisatorio: Kapil, Tiana, Sunny, Shawn, Katinka y Kareline pa nan trabou den e delaster lunanan y alaves tur e miembronan di Rotaract Club of Aruba pa nan yudansa pa cu e proyecto aki.

Rotaract Club of Aruba ta sumamente contento di por a brinda un bes mas un seminario valioso na e publico di Aruba cu sigur a wordo bon ricibi. Hopi a comenta di a keda inspira y sigur movi door di e programa di e mainta aki. E mainta aki no tabata posibel sin e trabou incansabel di e miembro y voluntarionan di e club, pero tampoco sin e contribucion y sosten di sponsor den nos comunidad. Ta pa es motibo Rotaract Club of Aruba  ta extende su palabra di gradicimento na: Aruba Tourism Authority, SETAR NV, Aruba Airport Authority Reina Beatrix International Airport, Bon Bini Cargo Services, Aruba Marriott Resort & Stellaris® Casino, Elite Productions & Entertainment, Fuels Marketing Supply Aruba, Alhambra & Divi Resorts Aruba Banquet & Events, Gold Palace Jewelers.

Sin ayudo di e siguiente stakeholders nos no por a logra e vision cual ta: Sebastian Hofer Film & Video, ArubaWorks, JDB Agency, Unique Balloon Palace, Kok Optica, LUCKY SUPER STORE, Nature’s Discount Aruba, Pro Graphics, Telenoticia Telearuba, Un rato cerca Dika TV program, Cool FM 98.9 Aruba, Caliente 90.7 Fm, MAGIC 96.5 FM ARUBA, Nos Mainta – Telearuba, Power 101.7 FM, The Power Wake Up Show, Focus Aruba Magazine.

No por lubida tur e empresanan local cu a inverti den e crecemento personal di nan empleado y cu a cumpra ticket pa YOU Inc 2018 y tur particpantenan pa nan aporte. Tambe ta gradici Rotary Club of Aruba pa nan sosten den tur nos proyectonan.

Rotaract Club of Aruba ta un grupo di young professionals entre e edad di 18 y 30 anja cu ta organisa varios projecto benificiando e comunidad di Aruba.  Rotaract Club of Aruba ta forma parti di e famia di Rotary International, cu ta un netwerk internacional cu tin e meta pa trece cambio positivo den comunidadnan y rond di mundo. Por bishita nos pagina di Facebook, Rotaract Club Aruba, pa asina por keda na altura di nos actividadnan.

Comments

comments

Island Finance – Home improvement