Rosario Bibo dialuna 7 di augustus na Alto Vista

Dialuna awo, 7 di augustus lo tin otro Rosario Bibo na kapel di Alto Vista cuminsando pa 7 or y mey di anochi. Tur luna ora tin luna yen, e comision organisado ta tene un Rosario Bibo na Alto Vista.

E custumber aki ta conta cu asistencia di hopi hende den nos comunidad. Ta resa pa amor den cada hogar, pa exito di e hobennan na scol, pa exito na trabou. Tambe lo uni den orashon pa tur enfermo, esnan bandona y tur otro persona cu mester di orashon pa sanacion na alma y curpa. Cada persona por presenta su intencion personal of tambe un
intencion general. Comision organisado ta invita un y tur pa asisti na otro Rosario Bibo dialuna 7 di augustus pa 7 or y mey di anochi na kapel di Alto Vista.