Rosario Bibo dialuna 18 di februari na Alto Vista

Dialuna 18 di februari lo tin otro Rosario Bibo na Kapel di Alto Vista cuminsando pa 7 or y mey di anochi.

Cada persona por presenta su intencion personal pero tambe general pa nos hubentud, casnan di famia y henter nos isla. Tambe pa otro pueblonan cu ta enfrentando momentonan dificil manera Venezuela.

Tambe nos ta haci un peticion na nos Birgen di Alto Vista pa proteha tur mucha, hoben y adulto durante e temporada di Carnaval. Pa nan disfruta di carnaval na un forma sano y libra di tur cos malo. Comision organisado ta invita tur hende pa asisti na e proximo Rosario Bibo, dialuna 18 di februari pa 7 or y mey di anochi na Kapel di Alto Vista.