Rosa pa tur empleada di Riu Palace Aruba

702

Gerencia di Riu Palace Aruba a celebra Dia di Hende Muhe cu tur su empleadanan. Den cafetaria di e hotel, gerencia a topa cu e empleadonan femenino y a regala cada uno un rosa. No solamente un rosa, pero a sorprende tur empleado cu un banda di trio, kendenan a toca un variacion di musica. E banda a pone un dushi ambiente p’e empleadonan, kendenan tabata den nan ora di descanso.

Tambe e empleadonan a disfruta di e cuminda sabroso cu e team di cushina a prepara pa nan. Tur empleado femenino tabata contento y agradecido cu e bunita gesto di gerencia di Riu Palace Aruba.