Hulanda a manda yama Prome Minister Evelyn Wever Croes pa duna cuenta riba e maneho pa cu Finanza. Den cuadro di esaki, e mandatario a probecha pa reuni tambe cu Comision di Asuntonan di Reino di Tweede Kamer. Na final di e encuentro aki 24ora.com a combersa cu Ronald Raak, di Socialistische Partij (SP), kende a bisa mesora cu na Hulanda tin masha hopi preocupacion na Hulanda pa loke ta e aspecto di Finanza.
Di informacionnan cu nan ta dispone di dje, ta haci cu nan ta hopi preocupa pa e deficit cu tin den e presupuesto. “Hopi biaha e cifranan no ta cuadra, e debenan ta hopi halto. Pero tambe nos ta nota cu tin hopi problema den politica na Aruba, hopi pleitamento, sospechonan, pero tambe ta sospecha Ministernan di casonan serio, detencion di politiconan. P’esey mi ta hopi contento cu Prome Minister di Aruba kier papia cu Tweede Kamer y cu nos por a discuti nos preocupacionnan cun’e.”
Apesar cu nan a scuch’e, Raak a bisa bon cla cu no ta cerca nan e mandatario mester haci promesa pasobra ta Parlamento di Aruba ta esun cu mester controla e Gobierno. Nan a scucha e mandatario y a aprecia cu el a contesta nan preguntanan. Raak ta kere cu e tipo di comunicacion aki cu Tweede Kamer mester keda existi, ya cu di e forma aki ta evita discusion y pleitamento.
E ta consciente cu diabierna ta bay tin un reunion cu Conseho di Minister di Reino y tin riba mesa e tema di futuro financiero di Aruba. Si ta bini un “aanwijzing” of no ta algo cu e tambe ta curioso pa tende. Loke ta bay sosode ta cu Conseho di Minister di Reino ta bay analisa e cifranan, si Aruba a haci su huiswerk debidamente. “Mi ta curioso pa sa si Aruba a logra. Si esaki no ta e caso, Aruba mester haya ayudo y mester bini un “aanwijzing” e ora.
Aruba y su hendenan, e Parlamentario a bisa, ta bunita y bon, pero financieramente y economicamente ta hopi vulnerabel. Por ehempel, si algo sosode den sector turistico, anto e isla tin problema. E mes ta di e pensamento cu e refineria nunca mas lo habri su portanan.
Pa e motibonan aki e isla mester pensa hopi bon con por haya mas entrada, un miho economia y den esaki, e ta kere cu den esaki Hulanda y Reino mester duna nan ayudo. Pero, pa esaki e isla mester ta politicamente stabiel, menos discusion, menos corupcion y sospechonan, “Ta masha importante pa Aruba ta honesto pa loke ta e cifranan, si cosnan no ta bay bon, si tin deficitnan, ta miho pa bisa esey pa Hulanda por yuda. Y naturalmente pa e inversionistanan ta importante, pa nan sa e situacion real y cu e placa cu nan ta
