Tin un preocupacion ta reina entre e polisnan, relaciona cu e cantidad di arma di candela den circulacion, pero tambe e falta di material pa Cuerpo Policial.
Presidente di Sindicato di Polis, Rodney Solognier, a duna un prome reaccion relaciona cu falta di material, unda cu SPA ta analisando henter e situacion aki. E ta alarmante, e luna aki so ya caba tabata tin 5 pa 6 caso cual, pa un isla asina chikito manera Aruba, ta hopi.
Si e Cuerpo di Recherche ta hopi druk bezig ta resolve e casonan aki. Pero e preocupacion ta grandi, ya cu ta e agentenan policial ta esunnan cu ta subi caya poniendo nan bida na peliger.
Pa loke ta bulletproof vest, Solognier a indica cu masha tempo KPA no a wak esakinan. Pa basta tempo caba nan a bin ta pidi gobierno esaki. El a bisa cu cu e mes tin e penultimo edicion y esey mes a caduca caba.
Solognier a sigui bisa c’un bulletproofvest,e tin su añanan di calidad y despues di tempo, e producto tambe ta cuminsa gasta. Despues cu e gasta of caduca, e no ta sigur (safe) mas.
Practicamente tin algun polis cu ta trahando c’un bulletproofvest caduca y esey ta peligroso tambe, Solognier a indica.
Pa mas informacion, lesa bo corant digital TREMPAN.