Campeonato U17 fast pitch femenino a continua riba canchanan na Pos Chiquito. Den categoria U17 e equipo di Rockets di Sta Cruz a enfrenta e equipo Lady Blue Marlins di Noord. Un wega hopi balansa unda finalmente Rockets ta bay cas cu e victoria.
Rockets ta sali fuerte den promer inning anotando 6 careda y ta amplia cu 2 mas den cabez di 2 inning. Lady Blue Marlins ta responde cu 1 careda den bom di promer inning y ta rally pa 4 careda mas den bom di 3 inning pa hasi e wega 8-5. Rockets ta preciona den di 4 inning anotando 2 mas mientras Lady Blue Marlins no kier entrega y ta keda bataya anotando 2 careda den bom di 4 y 1 careda mas den bom di 5.
Boxscore final Rockets 10 careda, 7 hit, 0 error y ta laga 5 coredor na base. Lady Blue Marlins 8 careda, 7 hit, 0 error y ta laga 4 coredor den circulacion. Mihor bateadornan pa Rockets kendenan a destaca ta Shakienne Salas 4-2, Keeli Danje 3-2, Derselyn Lampe 1-1 cu 3 careda anota, Zoe Barendreght 1-1 cu 2 rbi mas 2 careda anota, Filaine Geerman 2-1 cu un doblete. Pa Lady Blue Marlins a destaca na bate Angelle Thode 3-2 cu dos triple mas 2 rbi y 3 careda anota, Quioshanea Simon 2-1 cu un donlete mas 1 rbi, Ilajay Tromp 3-2 cu 1 rbi mas 2 careda anota, Miguelina Werleman 2-1 y Maryllaine Ignacio di 2-1. Zulaima Croes ta cubri henter e ruta pa seya e victoria riba su nomber. Zulaima ta enfrenta 27 bateador tirando 39 bola, 55 strike pa un total di 94 lansamento permitiendo 8 careda tras di 7 hit regalando 5 base por bola y ta propina un total di 10 strike outs.
Maryllaine Ignacio ta lansa solamente 2 tercio di e promer entrada y ta resulta e pitcher perdedor lansando 30 bola, 7 strike permitiendo 6 careda tras di 7 base por bola y no ta permiti hit. Caroline Kelly ta drenta releva den promer inning y ta enfrenta 22 bateador tirando 34 bola, 40 strike pa un total di 74 lansamento permitiendo 4 careda di cual 2 ta limpi tras di 7 hit regalando 4 base por bola. Diahuebs awor 19 di september campeonato ta contiunua pa 7pm “sharp sharp” unda den categoria U17 Eagles lo enfrenta Lady Blue Marlins, diabierna pa 7pm den categoria AA Eagles lo enfrenta Rockets mientras pa 830pm Jaguars Vitamin Water lo topa cu Aruba Bank Lady Tigers, Diasabra pa 3pm den categoria U17 Rockets vs Eagles y pa 5pm den categoria AA Rockets vs Eagles. Tur e weganan ta programa riba canchanan na Pos Chiquito. Un fanaticada bastante grandi ta apoyando nos atletanan y abo tambe ta keda cordialmente invita pa bin apoya nos futuro nan di mañan. Softball a la carga!
