Parlamentario Rocco Tjon, tabata den e parti di e conferencia di prensa di MEP y a enfoca rib e cuestionamento incorectamente di e sistema hudicial di e actual gabinete. El a enfatisa cu tabatin un congreso na Latino America, caminda un miembro di prensa a hiba un discurso eynan kehando di persecusion politico na Aruba, cual ta un tema hopi serio y ta derecho di cada ken pa trece su inkietud y ponencianan padilanti. Como representante di pueblo Tjon ta pensa cu ta importante pa enfoca cu e tipo di noticianan aki tambe ta perhudica e bon nomber di e aparato hudicial den e caso aki, di Aruba.
Na final di dia e ta un insinuacion hopi serio pa e bon funcionamento di nos aparato hudicial, e bon funcionamento di ministerio publico y den e caso aki, Cuerpo Policial y Landsrecherche. Pa e motibo ey, ora cu a tuma nota di e noticia aki, MEP ta bay manda haci preguntanan por escrito riba e aspecto aki na minister di asuntonan general, pero tambe na minister di husticia. Esaki ta sumamente importante, pa aclarea e aspecto aki y tambe pa un comunicado, en todo caso, ta haya importante y ta bay pidi kico e plannan ta di gabinete, pa saca un comunicado internacionalmente, pa contraresta e aspecto aki.
Pakico
Segun Tjon, e sistema hudicial cu pais Aruba conoce, ta uno hopi respeta internacionalmente y no por ta asina ta bay cuestiona corectamente of incorectamente. Pero ta importante pa un comunicado sali di gabinete caminda cu ta aclarea e aspecto aki, pasobra sino na final di dia, bo ta trece inkietud, bo ta crea duda den e aparato hudicial cu pais Aruba conoce. Esaki ta un aspecto cu no mag y pa e motibo ey fraccion di MEP ta manda haci preguntanan por escrito pa asina gabinete por aclarea e aspecto aki.
