Rocco Tjon representando Ady Thijsen na New York

610

E siman aki Parlamentario Rocco Tjon di e Fraccion di MEP ta formando parti di un delegacion di Reino Hulandes, representando Aruba den reunionnan na New York. Normalmente e Presidente di Parlamento ta atende na e reunion aki pero e biaha aki a opta pa manda Rocco Tjon pa representa Ady Thijsen na dicho encuentro, den cual Aruba ta participa hunto den e delegacion chikito di Reino Hulandes, den cual otro paisnan den Reino tambe tin nan representante.

Ayera a reuni cu representantenan di “UN-Foundation” y e “International Crisis Group” y tambe cu profesionalnan di Nacionnan Uni riba e prioridadnan di Reino Hulandes dentro di Nacionnan Uni.

Den tur e 8 diferente reunionnan a accentua e importancia di e “Sustainable Development Goals” y combatimento di terorismo. Pero un prioridad grandi pa Nacionnan Uni, cu ta sumamente importante pa Aruba tambe, ta e enfoke riba digitalisacion y con pa combati e menasanan cu e desaroyo aki ta trece cune.

Awe y e resto di siman lo tin mas reunionnan na “UN headquarters” riba siguridad, retonan y solucion pa e desaroyo digital, problema di clima, con pa haya ayudo pa logra e metanan sostenibel y duradero stipula pa Nacionnan Uni y e crisis di Venezuela.

Comments

comments