Rocco Tjon (MEP): Cambio di ley positivo pa Notarionan

E tratamento di ley di Notario a bay hopi bon y e preparacion pa esaki tabatin diferente reunion tambe den comisionnan fiho di Parlamento entre otro cu e grupo di Notario. A scucha nan preocupacionnan y nan recomendacionnan. Parlamentario di Fraccion di MEP, Rocco Tjon ta kere cu e 3 cambionan mas essencial cu a tuma luga cu a aumenta e cantidad di notario di 4 pa 7.

Den cuadro di esey Minister di Husticia a duna un splicacion amplio con e nombracion di notarionan ta tuma luga. Banda di esey a fiha e ontslag leeftijd di un notario pa trek esaki recht atrabes di un mocion igual na e edad di pension. Ora cu e edad di pension baha manera gobierno ta trahando riba dje, esaki lo conta p’e grupo di notario tambe. Un mocion cu tambe a aproba den Parlamento, ta pa urgi gobierno percura pa den e amplacion aki un notario su vaste stand plaats lo ta na San Nicolas.

Rocco Tjon (MEP): Cambio di ley positivo pa Notarionan

Posted by 24ora on Wednesday, April 3, 2019

E Parlamentario ta sigur cu e cambio di e leynan aki ta uno positivo. Un parti tambe cu ta bay haci e servicio brinda ta mas eficiente, ta cu antes den ley pa cada akte cu notario pasa 2 testigo mester ta presente. Esaki no ta asina mas na Corsou ni na Hulanda, e ta algo di pasado. E cambio aki tambe a tuma luga diaranson y desde awo padilanti e notario no mester tin presente mas ora di pasa un akte 2 testigo. Esaki lo haci e procesonan interno p’e operacionnan di e buffete di notario mucho mas miho tambe y consecuente e servicio brinda na pueblo ta mas miho. Un otro parti positivo cu minister a splica ta cu el a institui un comision di trabou cu lo percura pa sigui modernisa e ley anticua aki cu ta data mas di 100 aña bieu. Esaki ta algo positivo y atrabes di tecnologia e servicio brinda pa tur documento necesario, etc. lo sigui mehora tambe.

Den e cambionan cu ta premira pa futuro pa sigui modernisa e leynan, sigur lo involucra tambe participacion di tur diferente stakeholder, segun Parlamentario Tjon. A trece padilanti e proyecto cu gobierno ta bezig cun’e aworaki pa introduci E-Government. E lo yuda sigur den henter e proceso aki. “Si nos ta honesto, e proceso ta uno hopi burocratico tin bes. Y mi ta kere atrabes di tecnologia esaki por wordo mehora. Sigur vanuit Parlamento como vanuit gobierno”, el a bisa. Loke cu Fraccion di MEP a compronde cu gobierno a splica, e comision di trabou cu el a institui lo percura tambe pa tur stakeholder tin inspraak den e proceso aki.

Comments

comments