Fraccion di partido Movimiento Electoral di Pueblo (MEP) den Parlamento, manera ta custumber, ta bishita scolnan basico durante e siman aki pa conta e historia di Betico Croes. Ta importante pa pueblo realisa cua ta e historia berdadero di e gran estadista Gilberto Francois Betico Croes (q.e.p.d.) pa por traspasa e historia real, su logronan y su lucha pa e futuro generacionnan.
Como diputado defunto Betico Croes a trece cambio grandi y a converti su mes den un politico cu tabatin contacto directo cu su pueblo y a keda semper humilde. El a dedica hopi tempo na enseñansa y durante su periodo como diputado a construi scolnan di Macuarima, Pos Chikito, mientras cu a expande Colegio Arubano y John F. Kennedy. Tambe Betico a introduci e popular Bibliobus cu tabata pasa di scol pa scol y den tur districto.
Como fraccion di Movimiento Electoral di Pueblo (MEP), e partido cu Betico a funda na aña 1971, ta un honor cu awe por a contribui na traspasa su historia y su luch,a pa su logronan keda bibo den tur curason.
