Robert Candelaria: Sector di Siguridad ta riba bon caminda

Diamars a tuma luga e prome Safety and Security Conference 2019 organisa dor di ASIS International Dutch Caribbean den Renaissance Convention Center. A conta cu participacion di varios instancia compania di siguridad y departamentonan di gobierno. Cada un ta profesional y experto riba nan mesun area.

E calidad di informacion presenta tabata di nivel hopi halto, caminda cu varios orador internacional a forma parti di e dia aki. Imprecionante tabata e panel cu a pone hunto cu preguntanan alcaso y participacion activo di e sala. Den e panel tabatin entre otro ex Alto Inspector y actual Parlamentario di Partido AVP, Robert Candelaria cu despues di e evento a catalog’e como un exito rotundo.

Mester bin cu leynan nobo

“Contento di mira e sosten den sala riba e idea di bin cu legislacion, regulacion y certificacion riba e aspecto y sector di siguridad” asina Robert Candelaria a duna di conoce. Aruba ta dal bon paso, pa duna e sector di siguridad, e luga cu e merece. Pa locual ta legilisacion, ta algo cu lo mester atende pronto. A nota e interes cu ASIS a ricibi for di nos isla chikito, cu den comparacion, na momento cu a lanta e chapter na Europa, a haya mas o menos 90 hende. Pero den e conferencia di diamars, como e prome riba nos isla, a haya 150 hende den apenas 8 luna di existencia!

 

Parlamentario Robert Candelaria (AVP)
Sector di Siguridad ta riba bon caminda!
“Safety and Security Conference 2019” tabata riba nivel hopi halto

Mester bin cu leynan nobo:
“Contento di mira e sosten den sala riba e idea di bin cu legislacion, regulacion y certificacion riba e aspecto y sector di siguridad” asina Robert Candelaria a duna di conoce.

Aruba ta dal bon paso, pa duna e sector di siguridad, e luga cu e merece. Pa locual ta legilisacion, ta algo cu lo mester atende pronto. A nota e interes cu ASIS a ricibi for di nos isla chikito, cu den comparacion, na momento cu a lanta e chapter na Europa, a haya mas o menos 90 hende. Pero den e conferencia di diamars, como e prome riba nos isla, a haya 150 hende den apenas 8 luna di existencia!

Posted by 24ora on Wednesday, June 12, 2019

Parlamentario Robert Candelaria a referi tambe na e hecho cu ta mira Aruba como un isla bendiciona, caminda cu acontecimentonan mundial no a toca nos porta nunca ainda. Y hustamente esaki ta locual nos no mester warda tampoco pa pasa, tin cu traha cu anticipacion, zorg pa sector manera Polis, Departamento di Inteligencia hunto cu sector Priva / Siguridad traha hunto y intercambia informacion pa preveni cu algo asina por sosode. Esaki ta e fundeshi cu tin cu traha riba dje.

E percepcion tin cu cambia!

Durante e conferencia aki a pone un panel hunto contestando varios pregunta importante. Por a tuma nota di presencia di ex Korpschef, actual Hefe di Nationaal Centraalbureau Terrorismebestrijding Veiligheid en Interpol (NCTVI), mr. Dolfi Richardson, e actual Altocomisario di Polis, Andrew Hoo, Hefe di Siguridad Nacional, mr. Yuri Nicolaas, Parlamentario, ex Alto Inspector di Polis y Hefe di Siguridad na MetaCorp, Robert Candelaria, Director di Caribbean Mercantile Bank Aruba, Javier Wolter y tambe dos orador internacional mas. Nan a subraya e nivel di experticio cu kier mira den e sector aki, e percepcion robes cu tin den comunidad ora ta papia di siguridad, por ehempel cu ta pensionadonan of esunnan cu no por haya otro trabou ta trahando den e sector aki, mientras e sector di siguridad ta hopi mas compleho cu esey. Actualmente e sector aki ta atrayendo empleadonan bon educa, bon forma, cu ta trahando den forma profesional, anticipando y intercambiando informacion pa prevencion di criminalidad.

E entusiasmo ta halto, calidad presenta tabata na un nivel hopi halto y sigur e sector aki ta riba un bon caminda!