RIVM: Seis shen y trinta caso nobo di Coronavirus na Hulanda

1610

Rijksinstituut voor Volksgezondheid en Milieu (RIVM) a informa cu e cantidad di contagio na Hulanda a subi cu 630 caso nobo. Segun diferente media ta trata di un cantidad halto di contagio den e ultimo tres lunanan.

E cifranan aki ta bini despues cu Hulanda a duna un conseho na su ciudadanonan pa no biaha pa Aruba debi na e casonan di coronavirus na Aruba.

Diadomingo tabatin 577 caso nobo di Coronavirus. E edad di esnan cu a test positivo ta entre 20 pa 40 aña. Siman pasa Prome Minister Mark Rutte a yama e grupo di enfoke pa mantene nan mes mas miho na e reglanan di Coronavirus.

E regionnan di Amsterdam y Rotterdam a mira mas caso di contagio. Na Amsterdam ta trata di un aumento di casi dos shen caso nobo, mientras cu na Rotterdam tin 130 caso nobo. RIVM a conseha Hulandesnan pa no biaha pa Aruba desde cu a cuminsa haya casonan nobo.

Hulanda a registra su prome caso na Tilburg dia 27 di februari 2020 di un homber cu a regresa for di Italia. Den rango mundial Hulanda ta na 42 luga cu 59.194 caso y cu 6.157 morto. Tin 40 caso critico, pero cuanto caso activo y cuanto hende a recupera nan no tin registra.