Ride 4 Kids: Kiwanis un bes mas activo den comunidad y pa e comunidad di Aruba

418

E biaha aki a haci un “Ride 4 kids” challenge cu e meta pa recuada fondo pa inverti’e bek den communidad. Pa e gesto aki, Rothmar Coenraad riba su mountainbike Trek a sali for di 5:00PM saliendo for di Lighthouse cu e hazaña di core rond di Aruba, cu ta 100 km, cual el a logra tambe.


Acompaña den e reto aki pa Patrick Johnson, cu a sali for di e cede di Kiwanis mes na Linear Park y a logra core 80km, y por ultimo Michel Janssen cu a sali di e anker na Sero Colorado y a logra core 50km.

Por a nota e cansancio riba nan cara, e curpanan stijf pero e alegria y satisfaccion di a logra nan meta. Ademas por a nota algun miembro mas na e parti patras di e cede man na obra.Nan a haya diferente pallet di donacion, cu e idea di desmantela tur cos for di otro y cu e palo nan ey traha diferente “Kiwanis branded” meubels pa bende pa asina sigi recuada fondo pa asina por lo menos haci algo di sorpresa no obstante e retonan cu tin cu Covid y aglomeracion. No obstante asina mes ta brainstorm riba un evento pa fin di aña pa no menos cu 100 mucha.


Asina Kiwanis ta sigi inverti den comunidad.