Entertainment Center tabata sede di e eleccion di Reina di EPI, e studiante cu lo representa e scol den e eleccion final diasabra awo. Ya caba den careda di 11’or e resultado di kende ta e representante di EPI a bira conoci.
E resultado di e anochi aki, cu tabata yena di animacion, tabata lo siguiente: Best show a bay pa Valeria Guerrero di Sector Economia, Best Speech a bay pa Richinella Henriquez di Horeca, Best costume a bay pa Chenny Korsowidjojo di Salubridad y Servicio. Reina mas popular tabata Richinella Henriquez, Best make up a bay pa Valeria Guerrero. E 2nd runner up ta Valeria Guerrero, 1st runner up ta Chenny Korsowidjojo y Richinella Henriquez a bira Reina di EPI 2020. E lo ta candidata no. 2 den eleccion di diasabra.
E evento aki a wordo organisa door di e grupo di BO y CD 2020 como un forma pa recauda fondo pa nan biahe di estudio pa New York.
