Richi Danies ta organisa “Ban Caya Aruba” diabierna awo

3960

E hecho cu Polisnan a detene siman pasa diabierna dia 3 di juli no ta strob’e ni tampoco ta cambia su intencion pa sigui lucha contra abuso di mucha. E no ta boga pa cambia ley so, sino pa cambia henter e sistema. Pa logra esey, mester di 7 mil hende diabierna anochi dilanti edificio di Parlamento, pa mustra “e sistema” cu pueblo ta fara y dicidido cu mester cambia e forma con ta atende cu abuso sexual di nos muchanan.

Su enfoke ta pa organisa un otro manifestacion, cu el a tama “Ban Caya Aruba” diabierna awo dia 17 di juli. E ta invita tur hende, pa enbes di bay bebe riba Linear Park, pa bin cu bo jug y organisa un dia di famia abou dilanti edificio di Parlamento.

Richi Danies ta organisa “Ban Caya Aruba” diabierna awo

Richi Danies ta organisa “Ban Caya Aruba” diabierna awo

Posted by 24ora on Sunday, July 12, 2020

Asina so, dor di mustra solidaridad y union den pueblo, por vence e sistema cu strategicamente ta garantisa pa no cambia e sistema. No por otro, tin miembro di Parlamento cu te dia di awe no por mira nan yiu, pa motibo di acusacion serio di pedofilia. Ta dor di tin tipo di individuonan asina den e organo mas halto di nos pais mes ta haci cu nunca e sistema por cambia asina.

Richi Danies, den un entrevista exclusivo cu Ichelle Oduber-Simon ayera riba Plaza Henny Eman, entre edificio di Parlamento y Gabinete di Gobernador di Aruba, a sigura cu Polisnan a cer’e pornada y a gaña riba dje cu el a menasa un tal Polis di famFranken. El a sigura cu e no conoce e Polis mes, t’e pa e menas’e of insult’e.

Richi Danies no a pone un ora exacto pa su manifestacion, pero a menciona pa bin despues di trabou, asumiendo cu lo ta despues di 5:00pm. Tampoco e no a duna un ora ki ora e manifestacion aki lo culmina. Locual si e ta bisa ta cu tur dia nos ta mira mas caso ta bin padilanti y abusadonan ta sigui haya castigonan abou. Tanten cu pueblo no manda un solo mensahe cla, e sistema lo no cambia!