Reginald Danies: marcha di diabierna atardi tabata tempo perdi

Reginald “Richie” Danies ta un persona cu a pasa den un caminda di cruz su mes, ora cu su yiunan a wordo abusa, te cu e persona acusa, a sali liber.

Danies tabata para otro banda di caminda cu un borchi. Loke el a mira no ta traha. El a pasa den tur e caminda di cruz pa haya sa e berdad. Pa bin para eynan, ta tempo perdi. E kier cuminsa habri wowo di hende cu e problema no ta ministerio publico, e problema no ta fiscal. Nos tin un sistema di redashi.

Reginald Danies: marcha di diabierna atardi tabata tempo perdi

Reginald Danies: marcha di diabierna atardi tabata tempo perdi. Click e link pa mas https://24ora.tv/2EsIdgb

Posted by 24ora on Saturday, May 18, 2019

Y hues no kier scucha redashi. Den su caso, el a keda bringa pa e por compronde e berdad. Hopi hende ta yam’e pa loco. Danies kier a wordo cera pa e por a papia cu hendenan cu ta deal cu e cos aki pa e por sa e berdad. El a bin haya sa e berdad y awo cu e sa esey, constantemente e ta scucha cosnan cu ta trigger’e. Esey ta pon’e cu ora e ta wak manifestacion of algo di fundacion, ta pone den un posicion dificil, pasobra e mester sali. El a wordo instrui, cu ta nos sistema ta pro-pedofiel. No ta nada di cuestion cu el a scuch’e for di un politico. El a scuch’e for di PG mes. Ta nos tin e problema, Danies ta splica. Awor aki loke Danies kier ta pa caba cu e cos aki, tur tin cu scucha loke e mes a scucha. E no por bay bisa cu ta asina cos ta of mester, bay, pasobra e no ta politico. El a pasa su castigo. El a pasa den tur duro. Yama PG den su cara como cu e ta Pedofiel pa e haya sa e berdad. E mester a haci hopi malcria pa e haya sa.

Pesey e ta para eynan pa e diferencia, pasobra e manifestacion no ta yuda. Fundacionnan no ta yuda. Fundacionnan ta man mara.

Tin solucion segun Danies, pero e no ta e persona corecto pa bisa. Full Aruba tin cu lanta e ora. Danies no ta e persona. Ya cu a wak’e pa loco caba. El a haci su locura pa e haya sa su berdad. Awo e por para hari e hendenan aki. Nan ta den e mal caminda. Tur ta man mara.

Danies no ta sostene e manifestacion mes. E por bisa si, cu prome cu eleccion e lo bay ta para dilanti wak kico e prome minister a haci. E tin e parti di frustracion paden, ora cu e pinta grafitti, e ta bira hot den media.

Loke a pasa ta cu medionan a yam’e y e tin cu bay duna su entrevista. Ora e duna su entrevista, tras di dje ta bin haya un otro programa ta sali, “nos tin e solucion, den seis minuut nos ta keda cla”. Hende ta kere cu Danies ta para tras di esey. Ta un entrevista el a haci.

E ta full apart di cuenta di politica. Prome cu campaña cuminsa, e lo para dilanti di bestuurskantoor riba su mes y wak kico nan ta haci. Nan ta uza nan tactica di media riba dje. Yam’e pa entrevista. Y ora wak bon, tur ta keto. Pero Speed no, e ta saca tur cos di e pedofielnan. Antes nan tabata cans’e. Awor aki no ta mira nan ni di papia di pedofiel.