CFT a manda tres carta pa Gobierno, pidiendo e mesun tipo di informacion pa loke ta trata gastonan di personal, ehecucion di e sociaal crisis plan, como tambe e gastonan operacional di gobierno cu ta aumenta y tambe e entradanan, kico ta e granulatiesnan, cual ta e detayenan, segun parlamentario di AVP, Richard Arends.
Loading…
Reload document 
Open in new tab Ta bisa cu tin tanto biyon na entrada, pero onderbouw’e y cua ta e cambio lo bay tin e aña ey. E informacion aki no ta usual cu CFT ta puntra. Pero loke ta inusual ta cu gobierno no ta duna e informacion concreto y necesario. Ta manda un carta cu ta bisa cu ta bezig, manera pa kita nan for di bo caminda djis pa duna un contesta.
Awe por mira cu diamars anochi a manda un carta dunando gobierno un ultimatum di dos siman mas pa presenta e informacionnan cu mester. Tur hende, si por a lesa e ley di CFT, e siguiente carta ta un recomendacion pa e Conseho di Minister di Reino, pa loke ta trata aanwijzing.
E actitud di e mandatario ta linea recta pa un aanwijzing y atrobe no por tira culpa riba Gobierno di AVP. CFT a bisa bon cla den e recomendacion caba di presupuesto 2018, cu gastonan a subi cu 100 miyon di florin. AVP no tabata den gobierno.
Na 2019, el a subi cu 30 miyon di florin mas. Tampoco AVP tabata den gobierno y esaki ta preguntanan cu CFT tin y cu Gobierno no por contesta of no kier contesta.
E no ta un cuestion di play tough, no ta un cuestion di wak ken tin mas poder. Bo ta bao di supervision. CFT ta wantando bo na palabracionnan cu bo mes a haci den e ultimo protocol, pa loke ta gastonan structural, gastonan incidental, mescos cu entradanan.
Y tambe un separacion di entrada y gastonan, CFT ta djis cumpliendo cu palabracionnan cu bo tabata forma parti di dje y bo ta nenga di duna e informacion aki y stroba e supervision cu CFT tin.
Goberna ta trabao y crisis tur dia. Arends mes a pasa aden pa 8 aña largo, un aña como minister.
Goberna un pais tin reto, ta reto tur dia tur mainta. Tur mainta tin crisis, tur mainta tin cos pa atende. Na momento cu bo ta tuma un actitud asina, ta duna di indica cu por ta e capacidadnan no tin, of no tin conseheronan suficiente pa por consehe kico e trabao ta encera.
Arends ta sigur cu e departamentonan por suministra e informacion cu CFT ta pidi, mirando cu den pasando nan a yega di haci’e.
Tin cu bisa si cu nunca antes, gobierno bao di signatura di AVP, a haya ora cu CFT tabata na vigor, for di 2014, a haya cartanan cu ta yega asina leu, caminda cu ta duna un opinion unda cu ta imposibel pa CFT por controla e claridaad di e presupuesto. Tambe si e presupuesto ta realistico si of no y si por cumpra e normananna final di aña.
