Na Centro di Juventud Tanki Leendert lider di partido RED, Ricardo Croes, a deposita su voto. E tabata compaña pa candidato di e partido blanco. El a vota den awasero.
Ricardo Croes a indica cu e campaña a bay manera tur biaha nan ta haci. A trece dilanti nan puntonan via conferencia di prensa, debate. Aunke cu awa tabata cay, el a expresa cu e dia ta importante. P’e hendenan sali bay vota y no laga e awasero stroba pasobra e ta un dia importante pa bo y p’e pais.
El a indica cu tur hende ta sali awe y dicidi ki direccion kier bay cu e pais y ta hacie hunto. E ta haya cu ta hopi importante pa caba cu e corupcion. Pasobra corupcion ta fomenta pobresa. El a sigui indica cu pobresa ta bin cu problema social.
Segun Croes, e voto pa partido RED ta significa integridad, voto pa vision, pilar economico y salvaguardia e derecho di cada ciudadano di e pais.
