Ricardo Croes (RED) kier un decision fiho pa loke ta e reunion di Parlamento diabierna

1111

Ricardo Croes, lider di fraccion di RED, a splica cu e expectativa di e reunion, ta pa yega na un resultado. Pero e reunion a wordo yama cu e titulo di desconfiansa contra minister Marisol Lopez-Tromp.

Den e reunion aki tabata tin varios cos a bin dilanti, caminda cu Croes a pidi aclaracion riba documentonan cu no a yega Parlamento, riba cual el a tuma tempo den su discurso pa aclarea cu posicion di RED no a wordo treci p’adilanti manera mester ta, creando impresionnan eroneo, falso, no berdad referente posicion di sr. Croes y sr. Lampe, cual Ricardo Croes ta lamenta cu no a haya e oportunidad, pa por a mustra defacto cu locual Croes a bisa, ta manera el a bisa.

A gaña riba posicion di RED relaciona cu impasse den coalicion

A gaña riba posicion di RED relaciona cu impasse den coalicion: Ricardo Croes a desbarata locual a skirbi cu e lo a bisa y posicion cu coalicion lo a tuma. Tur opcion ta habri awe den reunion pa atende supuesto desconfiansa den Minister Marisol Lopez-Tromp. Click e link pa mas https://24ora.news/3hWvK5C

Posted by 24ora on Friday, July 31, 2020

Di un otro banda, ta trece minister Marisol Lopez-Tromp te for di Hulanda. El a haci cosnan conoci di cual a warda, y Croes a spera tambe cu lo bay den un di dos tanda.

Osea ta wordo bisa cu no tin un mocion y e motibo pakico no tin e mocion aki. Esey e ora ta cla den su parecer y pa tur hende.

Awor aki, mescos cu tur hende, a keda manera den un limbo. Un di e documentonan ta, kico ta e decision. Ta pesey Ricardo Croes a haci uzo di su oportunidad pa bisa su posicion pa loke ta confiansa riba e minister aki.

Mescos cu tur hende Croes lo keda pendiente di e yamamento di e minister y e declaracionnan cu ta bin despues. E tambe tabata tin mas pregunta pa segunda tanda y e no a yega. Mester corda cu e reunion ta suspendi y segun reglement van orde tin un luna pa yam’e bek.

Asina a yama esun di Serlimar cu despues di un luna, no a yam’e bek. Croes si kier un aclareacion di posicion fiho pa cu e decision di diabierna. Pidi un reunion pa traha un desconfiansa di un minister, no ta cos di haci wega cun’e. Y loke e minister a trece dilanti, no ta cos di haci wega cun’e tampoco.

Awo tur hende ta keda pendiente pa e resultado.