Diamars vuelo #1028 di American Airlines procedente di Miami tabata uno completamente yen. Rib’e vuelo aki tabata t’ey hasta Junior Croes, ruman di Minister di Labor, Glenbert Croes. Un vuelo yen asina ta hopi alentador, ya cu e ta demostra cu nos turismo ta riba e bon caminda.
Tabata algun siman atras cu Centers for Disease Control (CDC) a califica Aruba di codigo 4, ora cu Aruba yega e cantidad record di 5 mil caso positivo di Covid-19. Pero cu e vuelo yen aki, por ripara cu e turista Mericano no ta haci caso di e recomendacionnan di biahe duna door di CDC, y asina ta biaha bin Aruba.
Sigur lo dura un tempo mas prome cu CDC cambia su recomendacion di biahe pa Aruba, pero tin un biento di speransa a cuminsa supla pa loke ta trata nos turismo.
