Riba Plaza Betico a inaugura Gabinete Wever-Croes

Despues di e ceremonia di huramentacion den Stadhuis, e ministernan Gabinete Wever-Croes hunto cu famia cercano a bay rumbo pa Plaza Libertador G.F. Betico unda a tuma lugar e ceremonia di inauguracion. Por a mira un plaza bon bishita pa sostenedornan di e partidonan cu a forma e cualicion. Despues cu a introduci e 8 ministernan dilanti publico, e lidernan di POR, RED y MEP a hiba discurso. E anochi a conta cu diferente artista local, tabatin un parti religioso cu bedicion di sacerdote. Pa clausura D’Licious a pone bon ambiente pa cera e anochi.