Riba Dia di Tata: Edmar Gietel ta sigui lucha pa recupera su yiu

Awe riba Dia di Tata tabata e momento apropia pa Edmar Gietel hala atencion riba no solamente su causa, pero e causa di mama y tatanan cu ta perde nan yiu.
Edmar Gietel hunto cu su famia y amigonan di Dakota a para dilanti Parlamento den oranan di merdia pa atardi pa parti foyeto splicando e lucha cu nan a bin ta hibando pa 21 luna caba, pa e haya e derecho di tin su yiu cun’e.

Na september 2017, e mama di su yiu a pidi’e pa bay Argentina vakantie cu nan yiu pa dies (10) dia. E dies dianan ey a bira un pesadiya pasobra te cu awe cu na Aruba ta celebrando Dia di Tata, e no a logra haya su yiu den su brasa mas.

Riba “Dia di Tata” un tata ta luchando keto bay pa recupera su yiu.

Riba “Dia di Tata” un tata ta luchando keto bay pa recupera su yiu. Parlamento y Gobierno ta ignorando su peticionnan pa bin cambio den ley di paternidad. Click link pa mas https://24ora.news/2WNwQdD

Posted by 24ora on Sunday, June 16, 2019

El a cuminsa cu un lucha asercando tur instancia posibel na Aruba, na Argentina y hasta na Hulanda, pero te ainda e no ta haya ningun reaccion. “Mi a papia diferente biaha cu Prome Minister, mi a busca cita cu Minister di Husticia, kende ta manda su coordinadornan p’ami. Mi a manda mensahe pa tur Parlamentario di MEP. Nan ta habri y lesa e mensahe pero nan no ta haci nada …,: Gietel a bisa.

Mientrastanto 21 luna a pasa desde cu el a mira su yiu pa ultimo biaha personalmente. “Leu a leu mi ta mir’e of papia cun’e via di Skype. Pa un tata cu tabatin un relacion hopi estrecho cu su yiu, ta inaceptabel cu awo mi ta mir’e de bes en cuando y via di Skype,” e tata a expresa. Y a agrega cu “p’esey mi ta lucha pa yiunan cu ta wordo horta for di nan tata of mama. Mi yiu su derecho a wordo horta. Esaki no por sosode mas na 2019.”

E ta enfatisa cu e no ta culpa e hende, pero si ta bisa cu e ley no ta bon, a bira tempo pa drecha e ley, bini cu un amienda. “Nos tin 21 luna ta luchando pa esaki, pero nada te ainda.” Gietel a bisa cu e situacion cu e ta aden, no ta algo di dje so, pero tambe e ta sosode cu mamanan di cual e tata ta horta nan yiunan for di nan. P’esey e kier pa na Aruba bini cu un solucion y trece cambio.

Edmar Gietel a entama un caso caba y el a sali na su fabor. E mama a haya 90 dia pa bolbe Aruba pa regla e situacion.

Comments

comments