RHD ta claba tras di RHD na rotonde Mahuma

Algo pasa di 7or dialuna anochi a sosode un accidente riba rotonde di Mahuma. E motibo tin di haber cu velocidad halto y un chauffeur no a logra brake na tempo. E autonan ta bayendo direccion pabou y e chauffeur cu e Skyline blauw no a paga tino y no a logra brake na tempo.

Pesey a bay pega tras di e Celica shinishi. Ambos auto ta RHD. E Skyline blauw no por a core mas. Cu takelwagen a bay cune for di e sitio. Companianan cu ta atende cu seguro a bin na e sitio. A papia na prome instante di accidente cu hende herida. Despues a resulta cu esey no tabata e caso.