“Kisas bo ta anhela silenciosamente pa por tin mas comprondemento muto. Relahacion. Amabilidad ordinario. Y ta pensa: Aparentemente mi t’un hende straño. Permiti mi trankilisa bo: Bo no ta. Bo ta indispensabel. Hasta e bosnan suave merece di ta scucha…”, esey ta locualk Rey Willem-Alexander a bisa den su discurso di Pasco cu, manera cu por a anticipa, tabata casi completamente dedica na e crisis di corona. “Tanto cara, tanto storia personal,” e Rey a bisa di e encuentronan cu el a tene cu e trahadonan di salud y otronan directamente afecta pa e crisis.
Durante su discurso di Pasco, su Mahestad Rey Willem Alexander a reflexiona riba e tono di e debate social. “Ta posibel cu no ta sinti completamente manera na cas cu e puntonan di bista firme.” E fiesta di Pasco tampoco ta asina spera pa Willem-Alexander. “Nos tur mester a ahusta nos plannan. Hopi di nos a spera cu esaki no a sigui p’adilanti y esey ta un descepcion. Den e salanan di Hulanda, e stoelnan a keda bashi, mientras cu nos por tabata mas feliz di por trece stoelnan adicional.” El a gradici esunnan cu a adhiri na e medidanan. “E pandemia di corona a lanta lo miho di nos.”
Un sociedad liber
Na final di su discurso, e Monarca a teflexiona riba nos sociedad liber. “Nos ta biba den un epoca caminda cu aparentemente ta spera pa bo adopta un postura.” Pero tin biaha no sa, of ta cambia di opinion, Rey ta realisa. Por ta cu ta cansa di e excitacion, e sospecho y fanatismo.
E debatenan skerpi riba puntonan di bista habri of ideanan radical lo ta, den su opinion, parti di un sociedad liber. “Pero e seyo definitivo di un sociedad liber ta precisamente cu tambe tin espacio pa e gradonan. No a crea humanonan pa nos odia otro,” el a agrega. “Un pais den cual personanan ta acerca otro cu un poco di amor, ta un pais unda cu hende por sinti nan mes manera na cas, hasta den temponan di gran incertidumbre.”
