Reunion entre lidernan di grupo y SMAC pa discuti riba concepto nobo di carnaval

1326

Lidernan di grupo a reuni cu SMAC na Centro di Bario Brazil den oranan di anochi pa asina discuti riba e fecha tentativo pa loke ta trata 2021.

Presidente di SMAC, Jason Brown, a comenta cu e reunion a bay den bon ambiente. Tur hende tabata di acuerdo pa un concepto nobo pa 2021. No a bin cu detaye ainda, cual lo bay bin mas den e simannan cu ta bin.

Un concepto nobo di carnaval lo bin cual a wordo dicidi. Manera tur hende sa, pa januari y februari no, pero mas tanto na juli. Tur cos ta debi na e situacion cu tin na Aruba, debi na salud y financieramente e no lo ta factibel. Lo bay bin cu un concepto nobo cu lo traha na beneficio di e gruponan y tambe di e isla.

E concepto nobo aki no ta concretisa ainda, pero esey ta e direccion cu nan kier bay aden.

TOB

Lisette Cheung ta representante di TOB y el a comenta cu e reunion tabata hopi trankilo y tur hende tabata brainstorm pa mantene ambiente di carnaval, pero toch pensando riba tur e problemanan financiero cu tin cu e covid crisis.

Pa loke ta sponsor, mayoria di e gruponan, vooral cu tin mucha, manera Don Flip, Little Groover, TOB y Champagne ta biniendo bek, toch ta mustra di ta un problema grandi.

E ta sigui splica cu mayoria carnavalista, unda cu pone, nan lo bay, pues e fecha no ta un problema.

SMAC a reuni cu Gruponan Uni relaciona cu fecha tentativo pa carnaval 2021

SMAC a reuni cu Gruponan Uni relaciona cu fecha tentativo pa carnaval 2021. Click e link pa mas https://24ora.news/2C0If01

Posted by 24ora on Wednesday, July 1, 2020

Empire

Representante di Empire, a splica cu ta algo cu a papia riba dje. Mirando den caso di Empire, mayoria di e sponsornan ta wak e situacion financiero. Ta para cun’e den e sentido cu tin cu bin bek cu un concepto. Ta papiando pa planea algo y bin bek, pa despues bisa kico carnaval 2021 ta bay bira y si 2022 ta bira algo cu lo custuma na dje.

Personalmente mirando con e situacion financiero ta na Aruba, ta wak’e den careda di juli of september, un luna cu ta un low season pa Aruba y como grupo por beneficia di e participantenan. Bisa basicamente como un juli, augustus, september, zomer, caminda cu por yena e gap, y ta pone como atraccion primordial pa yena e schedule pa loke ta Aruba.