Diaranson anochi diferente bario a keda sin coriente. WEB no por a cumpli cu e demanda y por a mira esey na momento cu e situacion aki a presenta. Pero pa 11:56 pm a cuminsa reestablece suministro di coriente. E interupcion di produccion di coriente tabata den planta di WEB.
Tur hende sa cu Minister demisionario Glenbert Croes a informa algun luna pasa di e situacion cu el a premira riba e echo cu e calor ta bay pone cu e uzo di coriente ta mas. Esey a pone cu WEB no por a cumpli cu e demanda y a pone cu ELMAR tampoco por a distribui coriente manera mester ta.
Sinembargo, N.V. ELMAR a informa cu pa 12:16 AM tur cliente tin servicio di coriente bek. Nan a cuminsa suministra coriente den e area di Seroe Blanco y Shhaba pa 11:56 pm. Pa 11:57 PM suministro di coriente tabata reestableci den e area di CMB Oranjestad. Pa 12:12 AM suministro di coriente tabata reestableci den e area di Eagle. Mientras pa 12:15 AM suministro di coriente tabata reestableci na Bushiri.
Awo cu WEB ta uza RECIP, coriente ta bin bek mas lihe. Antes tabata dura algun ora prome cu por haya coriente.
Facebook live link: https://fb.watch/uQFygF_I7E/