Diabierna 25 januari 2019, Aruba Amateur Weightlifting Association a tene nan prome try-out di hisamento di peso esaki ta como un test pedagogico pa wak si e atleta nan ta den condicion y tambe pa wak si nan a progresa.
E competencia aki a tuma lugar den Theo Bareño Gym den Compleho Deportivo Frans Figaroa na Noord.
Den e try-out aki a participa 11 atleta masculno y femenino. Tin atleta cu a participa pa prome biaha y tambe tin atletanan a logra kibra nan propio record personal.
Aki ta sigi e resultadonan den categoría di femenino.
Den categoría categoría 71kg tabata tin cuatro hisador femenino Nathaly Geerman cu a bin duro a logra den snatch 72kg, clean& jerk 90kg pa un total di 162kg cu e esaki Nathaly ta kibra su record personal cu 5kg.
Nicole Dijkhoff den mesun categoría ta hisa den snatch 60kg, clean & jerk 80kg pa un total di 140kg. Joy Bobbi den categoría di 71kg ta participa pa prome biaha ta hisa den snatch 55kg, clean & jerk 76kg pa un total di 131kg.
Nos por bisa cu e atleta a sa di domina su técnica perfecto. Souheila Wegereef cu tambe a hisa den categoría di 71kg ta logra den su hisadanan den snatch 48kg, clean & jerk 65kg pa un total di 113kg. Cu e total ta kibra su record personal cu 8kg.
Den categoría 76kg Talisah Beke ta snatch 60kg, clean & jerk 70kg pa un total 130kg cu e total aki Talisah ta kibra record personal cu 5kg.
Diannie Croes den categoría di 87kg a hasi un tremendo come back ta logra den su hisadanan den snatch 60kg, clean & jerk 78 pa un total di 138kg tambe ta kibra su record personal cu 45kg. Rudsey de Kort den categoría di 87kg ta un atleta cu ta hisa pa prome biaha ta logra den su hisadanan den snatch 60kg, clean & jerk 75kg pa logra un total di 135kg.
Den masculino Samuel Cardona den categoría 67 ta hisa pa prome biaha y ta logra den su hisadanan den snatch 65kg, clean & jerk 80kg pa un total di 145kg. Esaki tambe un hoben cu hopi prospecto pa futuro y tambe a domina su técnica bon.
Den categoría di 77kg Jonathan Bocanegra cu pa prome biaha ta participa den un Try-out ta logra den su hisada den snatch 75kg, clean & jerk 100kg pa un total di 145kg.
Den categoría di 81kg Laertes Araque un hoben di 15 aña y cu talento ta logra den su hisadanan den snatch 85kg, clean & jerk di 110kg pa logra un total di 195kg. Cu e total aki Laertes ta kibra su record personal cu 5kg. Por ultimo Rodney Marrug cu tambe ta hisa pa prome biaha den categoría di 81kg ta logra den snatch 95kg, clean & jerk 120kg pa un total di 215kg
Aruba Amateur Weightlifting Association kier a manda palabra di pabien na tur e atletanan cu a logra kibra nan record personal y na esun nan cu ta participa pa prome biaha den e try-out aki y ta gradici Muscles & Lungs Barbell Club, TNT Gym Club, Eximious Barbell Club y Paradise Strength Aruba pa nan participación, entrenadornan, referee’s y tambe tur e voluntarionan cu a juda den e Try-out aki.
