E IFCA ABC Dutch Caribbean Championship a cuminsa Diasabra ultimo dia 11 di Mei den Spaans Lagoen na Curacao cu poco biento entre 11 – 15 knot y cu 40 atleta competente. E condition di biento no a cambia mucho y na final di dia e team di Aruba a logra sobresali den e Top 3 nan den diferente categoria.
Diadomingo dia 12 di Mei, e dia a cuminsa mas favorabel cu un tiki mas biento entre 20 – 24 knot. E caredanan tawata hopi competitivo cu resultadonan hopi serca di otro.
Resultado categoria bou di 15:
1e lugar: Jaydan Saladin (Aruba)
2o lugar: Floris Kaffener
3er lugar: Mats Steinmeijer (Curacao)
Categoria Hende Muher:
1e lugar: Carmen Geelkens (Aruba)
2o lugar: Zara Rozeboom (Curacao)
3er lugar: Maud Wildeboer (Curacao)
Categoria bou di 21:
1e lugar: Nathan Westera (Aruba)
2o lugar: Stefan de Bell (Curacao)
3er lugar: Nigel Hart (Bonaire)
Weekend venidero, dia 17 pa 19 di Mei e segundo rond di e IFCA ABC Dutch Caribbean Tour Championship ta continua e biaha aki na nos isla Aruba.
Wind Racers Club Aruba ta invita e comunidad local cordialmente pa bin apoya nos atletanan hoben y talentoso di nos islanan ABC.
