Siman pasa a tuma lugar e ultimo rond di torneo di Verano. Un total di 13 hungador a participa na e torneo aki.
Esaki ta e promer biaha tambe, nos a haja participante di 7 hobennan di bow di 14 aña.
Dus majoria tawata hobennan bow di 14 aña.
Na promer lugar a termina e hungador cu ta mas largo miembro di nos club, veterano Alvin Howell.
Alvin a score 6 punto for di 7, perdiendo solamente 1 partida.
Na segundo lugar tawata tin un empate entre Jose (Chelo) Pesqueira y Randy Tromp.
Nan tur dos a score 5 ½ punto for di 7 wega. Nan tambe ta hungadornan cu hopi aña di experiencia. Chelo tawata tin mas punto di resistencia y a keda na segundo lugar y Randy na tercer lugar.
Na di 4 te/cu 7 di lugar, tawata tin empate cu 4 punto entre Ilya Stetsenko, Enrique Jacopucci y Daniel Diaz.
Ilya ta un hoben di 14 aña, cu a presta mihor entre e veteranonan. Y door cu e la topa cu hungadornan mas fuerte, Ilya a keda na di 4 lugar, veterano Enrique na di 5 lugar y Daniel na di 6 lugar.
Entregamento di premio a tuma lugar diahuebs, dia 5 di Juli ultimo den nos clubhuis na Nieuwstraat 11
